كيف تعرفي انو صديقتك مخطوبة ؟

هههههههههههههه أول شي في شي ؟

لمن تكون صحبتك مخطوبة يبان على وجهها علامات كثيرة وفي أسلوبها كمان

إنها تقلب من عربجية إلى فتاة في قمة الأنوثة ..

إنها في كل كلمة والتانية تقولك : يا قلبي .. يا حبيبتي ,, وحشتيييييييييني (عاد دي مدري) , يا عمري ....

إنها تهتم بمظهرها وشكلها ..

إنها تفكر تروح لجيم عشان تتريض وتنحف بسرعة خخخخخخخخخخ

ما تتكلم إلا في أمور تخص الحريم هههههههههه > قوية !

أو إنها تسأل أسئلة هبلة كدا , مدري كيف تجي !!

تقعد تهلك راسك بدا حلو ودا مو حلو , وأنا في زواجي حسوي كدا , وفي زواجي ماراح أعمل كدا ! > يا امي اخلصي بس ! هههه

وفي الختام ...
في بعضهم عندهم قمة التهيؤ في الحياة , بمعنى إنها تتهيأ إنها مخطوبة وتعيش الدوووور ,, والله يعييننا إلين ما يجيها من جد خخخخخ

تشآو ...

مواصفات رَجُلْ الأحلامْ

بداية في هذه الاجازة الحلوة طبعاً , فكرت ايش اكتب لكم في تخاريفي اللُّجينية ؟
امممممممممممممممممممم
فقلت يالله يا ستي أكتبيلهم إيش مواصفات رجل الأحلام اللي حَ يجي , أو يمكن جا ! > تُثير الشكوك فقط ^____^
يالله نبدأ بسم الله ..

إنو يكون حلو ,, بس مو أحلى مني
إنو يكون أبيض ,, بس مو أبيض مني
إنو يكون نحيف ,, بس مو أنحف مني
إنو يكون غلبان ,, بس مو أكثر مني
إنو يكون أهبل ,, بس مو أهبل مني
إنو يكون ملقوف ,, بس مو ألقف مني
إنو يكون هادئ ,, بس مو أهدأ مني

إنو يكون طويل ,, بس أطول مني
إنو يكون شعرو ناعم ,, بس أنعم مني
إنو يكون متفائل ,, بس اكثر مني
إنو يكون قوي ,, بس أقوى مني
إنو يكون شاطر ,, بس أشطر مني
إنو يكون لطيف ,, بس ألطف مني
إنو يكون ذكي ,, بس أذكى مني
إنو يكون حركي ,, بس أكثر مني
إنو يكون نشيط ,, بس أنشط مني

آن يعطي كما يأخذ ..
أن يكون متفاهم ,,
أن يكون رَجُلْ , ما يفرض قوته عليَّا , ولا تسلط عليَّا
إنو يكون أب رحيم , و زوج مبسوط مو كِشِرْ وبس يتضارب مع دوبان خشمو > الرحمة يا أخي
لازم يطالع في شكلو كل شوية , ويرتب نفسو لأني ما أحب الشعترة > أحلى يا مرتبة انتِ
لازم يعرف أو عندو قابلية إنو يتعلم "الطبخ" لأني ما أعرف أولع النار حتى > خخخخخ من بدايتها !
إني طبعاً كل سنة أسافر في أي قلعة في الحياة ! لأني طفشت من جدة !

المهم يا جماعة , اللي يرتضيه ليا ربي أنا قابلة فيه ,,, ولا أحد يسألني في الفورم "ايش مواصفات رجل أحلامك" ؟ > ترى طفشت من دا السؤال ! المهم انو يكون بني آدم , ويقدر الحياة الزوجية والقفص الذهبي ويكون مقدر للمواعيد ودقيق فيها أرجو وأتمنى .. >> هههه حلوة القفص دا !

نراكم في تدوينة جديدة من تخريفاتي العبقرية ...

مو شرط

مو شرط أبدا انو الحرمة أو البنت تعيش مع الرجال أو الأولاد أو يكون مجتمعها واللي حوالينها أولاد عشان تصير ولد
أو تتصرف على إنها ولد أو تتكلم على انها ولد أو انو يكون شكلها الخارجي ولد
هذا كلو ماهو ضروري انو تتواجد في مجتمع ذكوري
في بعض الأحيان أشوف من أهم الدوافع اللي تخلي الحرمة كرجال
انها فقدت الرجل اللي يشيل عنها حمل الحياة
فتتصرف بداله في كل شي
وممكن ما تلبس لبس الرجال ولا تقص شعرها كالرجال ولا انو تقلدهم في كل شي
لكن ظروفها أجبرتها على انها تكون كدا
انسانة بتحاول تتعامل مع الناس على انها مرأة بس بتصرفات أكثر رجولة
وتحاول برضو انها تسبع نفسها بنفسها لأنو مافي رجال بيعاونها
فتصير الحكاية شبه مقلوبة
دا الواقع المرير اللي فعلاً الناس غافلين عنو
انو حاجة المرأة لوجود رجل "حتى لو انها كانت عايشة مع حيطة" بتجبرها انها تكون في بيتهاعلى انها رجل
بأي شكل
وبأي طريقة
وبأي حال
الحياة تتطلب من المرأة انها تكون رجل
لأن الرجل يكلم رجل
والرجل يشتغل مع رجل

وبس ..

يقولوا إننا بنسوي بحث

في يوم من الأيام كان مقدر علينا اننا نسوي بحث تخرج !
ويقولوا انو لازم يكون في اللغة فقط وفروعها طبعاً
ويقال انو في البلدان المتقدمة دراسة الناس قائمة على البحوث
يعني الطفل من وهوا صغير وهوا يعرف كيف يسوي بحث
كل الدراسة بحوث × بحوث
كلها بحث في المكتبات
وغير كدا عندهم كتب عدلة يمكن يلاقو فيها كتب تتكلم عن بحوثهم


للأسف الشديد انو احنا دراستنا ماهي بحوث
ولمن كان يطلب ممنا نسوي بحوث كننا نعمل لها نسخ ولصق
صح اننا كنا نحط المصادر بس ما استفدنا شي
وعشان كدا محنا فالحين نسويلنا حتة بحث من 25 - 30 صفحة بس
آآآآخ يا رااااسي !
تعبت والله ..
لكن ايش نسوي !
هذا ما جنته يداهم !

الحمد لله :)

افتكرونــي

اكثر شي يفرح الناس ويوثق علاقاتهم ببعض , ويقرب بينهم هو "افتقادهم"لبعض , و"سؤالهم" عن بعض ..!
فـما أسعدني لو غبت يوم أو يومين عن الناس الي في الواقع ...
أو الناس اللي في غير الواقع كالشبكات الإجتماعية وما شابهها ,,
وفجأة ألاقي جوالي بيضرب , أو بابي بيدق عليا , أو الرسايل على جوالي بتزهمني .. يا بنت ردي اشبك ؟؟ سلامات !!
اليوم افتقدناكِ ..
أو رسالة على الخاص أو المسنجر , تقولي فيها .. فينك ؟ قلقت عليك .. لكِ يوم ما دخلتِ >> عاد زودتها لو من اول يوم كدا هههه
لكن السؤال اللي لازم اطرحه هنا ...
هوا أنا متى الناس راح تبدا تفتقدني .؟ ومتى أكون إنسانة مهمة بالنسبة لهم ؟ ومتى الناس راح "تفتكرني" ؟
لازم فعلاً نسأل نفسنا دي الأسئلة , عشان ما نزعل لو غبنا بالسنين ولا أحد فكر يدور علينا ..
أهم شي يا أعزائي , ويا قرائي >> طبعاً لو كان فيه أحد بيقرالي ..
انو تكون عشرتنا طيبة مع الناس , ونكون تاركين لنا بصمة حلوة بين الناس , ويكون لنا حس زي البلبل في السما لمن يطير ويصفر , وزي الطير لمن بجناحو يطير ويغرد ..
لازم تكون إنسان إيجابي , ولك في كل قلب مكان , عشان لو غبت , الكل يفتقد هذا المكان .. !
لازم تكون إنسان بتسأل عن الناس , عشان لو غبت الناس تسأل عنك ..

::
::
::
دا إحساسي ..

هبلة مع التحيـة

على الكل انو يعرف اني انسانة هبلة
ولازم كل شخص يبغى يكتب عن أهبل شخصة في العالم
يحط اسمي معلنا وفي أول سطر
عشان الكل يتأكد ..
ويلا دقي يا مزيكاااا ..

أنا أحس إنها أكبر مشكلة

أول مرة تخطأ فيها في الحياة نقول "عادي"
لكن لمن يتكرر الخطأ ستمية ألف مرة فــ أنا أحس "إنها أكبر مشكلة في الحياة"
إيش الفايدة لمن نخطئ لكن ما نتعلم من خطأنا ولا حتى 1%
ونقعد مبلمين نتفرج إلين كمان نوقع في الخطأ مرة واتنين وتلاتة "ومين يزود" ؟
أحس انها فعلاً عقولنا مخطوفة أو مشطوبة من الكون
أو إننا في كل مرة نقنع نفسنا انو اللي بنسويه شي ممكن نتلافى فيه أخطاءنا السابقة , لكننا للأسف بنوقع في نفس الخطأ
وفي نفس المصيدة , وفي نفس الهبل اللي ما ورد على بشر @.@
أحس اني فعلاً يا إني أحتاج لكف كبير عشان أفوق
أو بوكس على عيني عشان أصحصح !
وربنا يعين ..

أبغى أكون وحدة مثقفة بس ماني عارفة كيف

حاولت صراحةً بكل الطرق الفيزيائية والكيميائية والرومنطقية و المتفيزقية والفوقية والتحتية والهوائية والرياضية , وحتى الإنجليزية
اني أحاول على الأقل "محاولة" إني أكون وحدة مثقفة , وصاحبة أكاشن في الحياة ~!
ففكرت في فوكيرة جُهنمية , إني مثلاً أروح المكتبة وأشتري كُتُبْ ,, وأرصرصها في كل مكان > حتى تحت السرير ..
واني أشتري كمان كتب ما أحب أقرأها زي الروايات الانجليزية المجغة والهبلة اللي تغم القلب , بس برضو بأشتريها
وحاولت صراحة صراحة اني اجمع أي كلمة أو حرف أو أي نشبة من أي مكان اني أقرأ وأجمع ,,, بس ما لقيت حل !
أدري اني وحدة مجنونة وهبلة ,
وماني عارفة ايش ابغى اقول
بس ما لقيت غير دا الكلام (^_^)


تشأآوآت

وايش قمبو ؟

ليش يا جماعة بنضيع وقتنا في الحب , والتفكير في الحبيب
ترى كتير ناس أجمعو إنو الحب كلام فاضي , وشي يعزب ويموت وماله أي أساس من الصحة ..
ترى من جد طفشتونا !!!
ايش الفضاوة دي ؟؟؟

خلاص خلصت الهرجة ".’يؤ ...!